തൃശൂര്: ഫോഗ് ലാമ്പുകളുടെ അനാവശ്യഉപയോഗം തടയുന്നതിന് നഗരത്തില് മോട്ടോര്വാഹന വകുപ്പിന്റെ പരിശോധന. തീവ്രത കൂടിയ ഹെഡ് ലൈറ്റ്, ഫോഗ് ലാമ്പ്, കളര് ബള്ബുകള് എന്നിവയുടെ ഉപയോഗം തടയുന്നതിനും തൃശൂര് ആര്.ടി.ഒ എന്ഫോഴ്സ്മെന്റ് എം.വി.ഐ പി.വി ബിജുവിന്റെ നേതൃത്വത്തില് നടത്തിയ രാത്രികാല പരിശോധനയില് 2 ടിപ്പര്, 4 ടൂറിസ്റ്റ് ബസ്, 15 കാര്, 10 ഓട്ടോറിക്ഷ, 12 ബൈക്ക് എന്നിവയടക്കം 73 കേസുകളില്നിന്നായി 3.28 ലക്ഷം രൂപ പിഴ ഈടാക്കി.
പരിശോധനയില് അസിസ്റ്റന്റ് മോട്ടോര് വെഹിക്കിള്സ് ഇന്സ്പെക്ടര്മാരായ ആര്.സുജിത്ത് , സി.എസ് അമല് എന്നിവരും പങ്കെടുത്തു.
രാത്രി ഡ്രൈവിങ്ങില് ഹെഡ് ലൈറ്റ് ഹൈ ബീം ഉപയോഗിക്കുന്നതും ഫോഗ്ഗില്ലാത്ത ഇടങ്ങളില് ഫോഗ് ലാമ്പ് ഉപയോഗിക്കുന്നതും മറ്റു വാഹന ഡ്രൈവര്മാര്ക്ക് കാഴ്ച തടസപ്പെടുത്തുമെന്നും അപകടങ്ങള്ക്കിടയാക്കുമെന്നും ഇക്കാര്യത്തില് വാഹന ഉടമകളും ഡ്രൈവര്മാരും ശ്രദ്ധ കാണിക്കണമെന്നും എം.വി.ഐ പറഞ്ഞു.
ഫോഗ് ലാമ്പുകളുടെ അനാവശ്യഉപയോഗം; 3.28 ലക്ഷം പിഴയൊടുക്കി
About the Author
